मराठी ब्लॉगपोस्ट लिहिल्या वर एक हमखास अनुभव म्हणजे लोकं "copy paste" करतात आणि सरळ निर्लज्ज पणे स्वतःची पोस्ट म्हणून खपवतात !! काही इरसाल लोकं "sharing from web" वैगरे टाकतात पण मूळ लेखकाचे नाव किंवा नक्की कुठून copy केलं ह्या बद्दल लिहित नाहीत.
मला हा अनुभव दरवर्षी विशेषतः सवाई बद्दल च्या मराठी पोस्टस वर येतो. लोकं हमखास copy-paste करून त्यांच्या timeline / WA group वर टाकतात ! त्यांना हे कळत असतं कि ते चोरी करताहेत , पण ते स्वतः ची समजूत घालून घेतात कि "आपण हे लोकांन साठी करत आहोत" किंवा "शास्त्रीय संगीताच्या प्रचारा " साठी हे असं "चोरी" करणे व स्वतः चे नाव टाकून पुढे ढकलणे गरजेचे आहे ! असो !
मी व्यावसायिक लेखक नसल्या मुळे मी असल्या चोऱ्या ignore करायला शिकलो आहे. गेल्या वर्षी एका माणसानी तर माझी ब्लॉगपोस्ट copy-paste करून स्वतः च्या नावाने , मी admin करत असलेल्या एका फेसबुक ग्रुप आणि WA ग्रुप वर टाकली होती. शिवाय तो म्हणत होता कि त्याला ती पोस्ट एका forward मधे आली !! आता forward मधे आली तर त्याचं नाव कसं काय त्या पोस्ट च्या लेखका च्या ठिकाणी हा प्रश्न विचारून काही उपयोग नव्हता. खोटं बोलणं आणि खोट्या जगात वावरण्या साठी (virtual world of social media) , ह्या लोकांची एक वेगळीच मानसिकता तयार झालेली दिसली .. ती बदलणे शक्य नाही .. किंबहुना ती मनोविकृती ह्या लोकांना social media वर प्रसिद्ध होण्या ला , लाईक्स मिळवायला कारणीभूत असेल. असे लोकं फक्त मराठीच असतात असा माझा समज नाही ..ते इतर भाषिक हि असतील , पण मला
अनुभव हा मराठी भाषिक "फेसबुक" करांचा आला !
ह्या अश्या प्रकारच्या लोकांन मुळे बहुतेक कला , साहित्य यांचे जास्त नुकसान होत असावे. Content creators ना credit न देता जर हे लोकं बिनधास्त copy-paste करत असतील तर ह्याला चोऱ्या नाही तर काय म्हणायचे ? असो !
( पूर्वी मी ह्या असल्या लोकांना "नामू पारिट" म्हणायचो , पण ते बरोबर नाही , हि लोकं नामू सारखी निर्लज्ज असली तरी innocent निष्पाप नाहीत. ह्यांच्या वर राग येण्या पेक्षा कीव येते )
मी पुढे हि मराठीत उत्तम विनोदी लेख लिहित राहीन , सवाई बद्दल दरवर्षी पोस्ट करत राहीन ..हे लोकं दरवर्षी copy-paste करत रहातील .. पण मी पुढच्या वर्षी पासून त्यांना "असं करू नका" हे सांगून माझा वेळ वाया घालवणार नाही !
(तो पर्यंत बहुतेक हि पोस्ट हि "सवाई" उचलेकरां कडून copy-paste झाली असेल )